بىز نىمە ئۈچۈن قوللاشقا مۆھتاج؟

ئانا زىمىنىمىز بولغان شەرقىي تۈركىستاندىكى ئۇيغۇرلار ئۆزىنىڭ تارىخى تەرەققىياتى جەريانىدا پۈتۈن دۇنيادىكى باشقا مىللەتلەر بىلەن بىرلىكتە ئىنسانىيەتنىڭ تىل – يېزىق، مەدەنىيەت ۋە بىئولوگىيىلىك كۆپ خىللىقىغا قىممەتلىك ھەسسە قوشۇپ كەلدى. ھالبۇكى، ئۇلار نۆۋەتتە خىتاي ھۆكۈمىتى ئېلىپ بېرىۋاتقان مىللى ۋە ئىرقى قىرغىنچىلىق سەۋەبىدىن پۈتۈنلەي يوقىلىش گىرداۋىدا تۇرماقتا. ئۇيغۇر مىللىتىنىڭ يەر يۈزىدىن يوق قىلىۋېتىلىشى يۇقۇرىدا تىلغا ئېلىنغان ئۈچ خىل كۆپ خىللىقنىڭمۇ تەدرىجى يوقىتىلىشىغا ۋەكىللىك قىلىدۇ. يەنە بىر جەھەتتىن، ئۇيغۇر مىللى كىملىكىنىڭ مەۋجۇت بولۇپ تۇرۇش ياكى تۇرالماسلىقى مۇھاجىرەتتىكى ھەر بىر ئۇيغۇرنىڭ بۇنىڭدىن كېيىن قانداق يول تۇتىشى تەرىپىدىن بەلگىلىنىدۇ. ئەگەر سىز ئۆزىڭىز ئەڭ كۆڭۈل بۆلىدىغان بىر خەلقنىڭ تەقدىرى ئۈچۈن ئەڭ زور ئىجابى تەسىر كۆرسىتەي دېسىڭىز، ئۇيغۇر پروجېكتلىرى فوندىغا ئىئانە قىلىڭ.